DOSTON KAAFI DIN HUE MAIN BAHUT KUCH SOCHKAR BHI KUCH LIKH NAHIN SAKA. AISI BAAT NAHIN HAI KE MAIN MASROOF THA. BALKI MAIN IN ROJ KE BEVAKUFI BHARE KRIYA KALAPAON SE JO HAMARE DESH MAY NITYA PRAKAT HO RAHE HAIN....lol.

PAR AAJ RAHA NAHIN GAYA TO SOCHA KI AAJ MAN KI BHADAAS NIKAL HI LOON...

ABHI JYADA DIN NAHIN BEETE HAIN ISH RAJ THAKREY KI HIMAKAT KO GHATIT HUE. YEH JANAAB KO BAITHE BITHAYE PANAGA LENE MAY NA JANE KYA MAJA AATA HAI. MAIN ISE THODA BAHUT SAMAJHDAR SAMAJHTA THA...PARNTU YEH MERI BHOOL SABIT HUI.

YEH BANDA KEHTA HAI AMITABH NE KYA KIYA MAHARASHTRA KE LIYE...MERI SAMAJH MAY NAHIN AATA KI YEH KAUN HOTA HAI POOCHNE WALA. AGAR POOCHNA HI THAT TO YEH APNE AAP SE POOCHTA KI ISHNE KYA KIYA MAHARASHTRA KE LIYE.....

ISHNE PAISE KAISE KAMAYE, MAIN NAHIN JAANTA, KYONKI MAINE KABHI NAHIN SUNA KI INKE KHANDAAN MAY KOI PAISE WALA BHI THA, YA KOI UDYOGPATI THEY INKE PARIWAR MAY KOI. YA KOI BUSINESS THA INKA....LEKIN EK BAAR MAAN BHI LAIN KI ISHNE MEHNAT KE PAISON SE KOHINOOR MILL KI ZAMEEN MANOHAR JOSHI KE BETE KE SAATH SAAJHE MAY KHARIDI, TO BADA JHATKA LAGA....ISHLIYE NAHIN KI ISHNE ZAMIN KYO AUR KAISE KHARIDI...BALKI ISH LIYE KI AGAR ISE STHANIYE BEROZGAR MARATHIYON KI CHINTA HOTI TO YEH WAHIN MILL SURU KARVAKAR UNKO ROZGAR MUHAIYA KARVATA...lekin aisa nahin huaa...!

Jishne khud marathiyon ke liye kuch nahin kiya, woh doosron se poochta hai.

Phir sawaal aaya Bihariyon aur Poorbiyon ( uttar bhartiya ) ka, to yeh desh sabhi ka hai, Jiska jahaan dil chahe wahaan rahe. Agar ise Bambai par itna bojh lag raha tha to ise oon Bangladeshiyon ke khilaaf aawaz uthani thi jo King Circle P. D'mello Road se lekar VT take base hue hain.....shaayad ise woh dikhaai nahin diye...ya phir itni Himmat nahin thi ke in Bangladeshi Musalmanon se takrane ki....

Tab main maanta, ki vaakai ise Bambai ki chinta hai....aur vaise bhi Yeh kuwain ke mendhak ki tareh hai, jo shaayad kabhi Bambai se bahar nahin gaya. Main Hariyana se hoon aur bachpan se yahin rehta hoon, school aur college maine yahin se kiya. College may electin bhi main kai bahaduraon ke saamne lada, paranty itni ghatiya baat kisi mere maharashtrain dost ne nahin ki. Mera bhagwaan ki daya se hazaron dost hain aur 90% marathi dost hain...parantu itni ghatiya baatain kabhi hamare dimaag may nahin aai. Mere dost koi shiv sena sakha pramukh hain, koi congress NCP  ka leader MLA Corporator hai to koi kuch ....kehne ka matlba ki har kshetra se sambandh rakhen wale hain. lekin itna girkar kisi ne nahin socha...?

Haan to main keh raha tha ki pichle kuch saalon se Haryana viseskar Gurgavaan ( Gurgaon ) may bhi baharai log aakar bas gaye hain, aur kai hazar maharashtrian bhi hain, agar wahaan ke Jaat / Gujar inke khilaaf ho gaye to inki acchi bhai moti kamaaiwali naukari khatm ho jayegi aur unhe bhi wahaan se bhagna padega. Delhi may mere rishtedar ki kothi ki 3 or 4 manzil par marathi kiraye dar hain jo MNC may acche ohdon par hain, kya beetegi unke dil par jab pata chalega, ki unko bhi bhaagna hai wahaan se to....shaayd gale ke shereon ne ish baat par gaur nahin kiya tha...varna aisi himakat nahin karte yeh patthe.

Yoon to bahut kuch hai kehne ko, ...lekin itna he kehta hoon ki Bhagawan Shree Krishan ne Srimad Bhagwatgeeta may kaha tha "VASUDEV KUTUMBAKAM" Yeh saara vishwa merea pariwar hai....are haan Krishan Bhagwan bhi to Mathura, U.P. se hain, Bhagwan Ram Ayodhya se, Ganeshji Shivji ke putra hain....Himalaya bhi north may he hai.....ishka matlab huaa, yeh apne liye koi naya Bhagwan dhoondainge...aur Bhavishya may kabhi Dahi Haandi Matki Utsav ya phir Ganesh Chaturthi manana chod dainge....phir to Bhagwan hi maalik hai inka....Hay Ram....

Sach pucho to Bambai ke mool sthaniya log sirf Koli aur Aagri logon hain, inke alava sabhi bahri hain.. Aur agar dekha jaye to bahar ke logon se hi Bambai gulzar hui hai.

Aap sabhi jaanate honge ki Bambai may Janmastami ke paavan tyohar ko Dahi Haandi / matki fode ke roop may manaya jata hai. Vigat varshon may ishka swaroop ish had tak badal chuka hai ke...kya kahain. Kuch saal pehle tak yeh bahut he sadagi se, bina jyada tamasha kiye manaya jata tha. Parantu pichle 4-5 saalon se in sadak chaap rajnitik partiyon ne ishaka satyanaash kar diya hai. Kisi ki jaan ki keemat kuch hazar ya laakh rupaye inhone taye kar diye hain...ji haan....koi 51,000 to koi 1,00,000 ya koi 5,00,000.

Aascharya to tab hota hai jab inse inke Mahaannnnnnnnnnnn Neta yeh nahin poochte ya kehte ki bhaiye, kyon logon ki jaan lena chate ho. 2-4 laakh ke liye kyon logon ko jaan ki baazi lagane ka nyota dete ho.....parantu nahin yeh bhi gali / mohallon, sadakon par, chorahon par apni Tasveer se saje banner / hording dekhkar ke aatm vibhoot ho jate hain...kisi ki jaan jaye to jaaye...inki bala se.

Yeh Thakrey, Pawar, Rane aur na jaane kitne aise neta hain, jo sahar ka satyanash karne may lage hain. Kaun se granth may likha hai ki tyohar ke naam par logon ki jaan se khilvaad kiya jaaye. Aaj ke Hindustan Times may ek report chapi hai, jishme likha hai ki bambai ke KEM aspataal may kal 300 se jyada logon ko haddi tootne aur dooshri choton ki vajeh se dakhil kiya gaya hai...Yeh to sirf ek KEM aspataal ki baat hui. Ishke alava saikdon sarkari aur gair sarkari aspataal hain, jaha ke aankde shayad he kisi akhbar may ya koi channel vala dikhaye. Yeh TV channel vale bhi aisi bakwas khabron ko LIVE dikhate rahe...mano sare desh may yehi ek Sahar bacha hai,,,jahaan Janamastmi manaai ja rahi hai. Par yeh bhi kya karain, inke studio /dafter bhi to Bambai may he hain,,,agar covernahin karenge to in tathakathit netaon ki in channel may jo union hain,,,wohtod fod ke rakh denge...wah re Loktantra...Jai Shri Krishna Bhagwan Ki..

Namashkar mitron,

Bade dino ke baad dimag ko thoda sthir kar ke likhne ka man banaya. Itna jyada tanav ke likhen ke baare main sochta to hoon par likhne baitho to aisa lagta hai ki phir likhoonga....ji haan ish desh ke karta dharta hain ish ki vajeh.

Khair

Aisa pehli baar ho raha hai ki Rashtrapati pad ke chunav main aisa vyakti chunav lad raha hai, jis par na jane kitne aarop lage hain...ish main sachchai bhi hai....thik pehchana aapne....Pratibha Patil.

Sonia Gandhi ko to ek adad pyada chahiye, jo ushke isharon par bache. Manmohan singh se to kaam nahin ban raha tha, so ek naya panchi pakad liya.

Maharashtra ke Jalgaon sahar ke Congress Adhyaksh ki hatya main Pratibha patil ke bhai par aarop hai, aur muqadma abhi Nyayalaya main lambit hai. Aascharya, in sab cheejon ko dar kinar kar Congress ne Pratibha Patil ko he apna umeedwar banaya hai....Ummeed ke saath ke isharon par desh ka sara karobar chalega Sonia bai ka.

Sharm bhi to aati nahin inhe.....aur hum sharm saar hain.....

Agar inhe desh ki chitna hoti to Shri Bhaironsinghji Shekhawat ka samarthan karte...vaakai ek Kaabil vyakti hi Rashtrapati ki Kursi par shobha deta hai, par congress aur ushki gang ko in baaton se kya matlab.

Jai Hind

Agar aap bhool gaye hon toh yaad dila doon ki ek adad aatankwadi maut ki raah dekh raha hai.....ji haan wahi Mohamad Afzal....nahin yaad aaya,,,arey wahi jishki kamzor kausish ki vajeh se Sansad baal baal bach gai thi....ji haan wahi Mohd. Afzal, usi ki baat kar raha hoon. UPA Govt. sari sharm-haya chodkar ke, ise VIP treatment de rahi hai. Sarvoch Nyayalaye ne jise Phaansi ki saza suna di ho, aur abhi bhi 6 mahine se zinda hai, sharam aati hai apne ko ish desh ka nagrik kehne par.

Rashtrapati se ummed thi ki yeh to kam se kam oon Sahidon ka samman karenge, jinhone apne pran nyochavar kar diye in nikammne netaon ko bachane ke liye magar Afsos, Rashtrapati ne sabit kar diya ki yeh bhi sirf Rubber Stamp rashtrapati hain.
 
Ham se achhi to Bangaldesh sarkar hai, jo ki ek muslim desh hote hue bhi, bina kisi ki parwah kiye, 6 Aatankvadiyon ko phaansi de di. Aur ek hamare Rashtrapatiji hain, jo pata nahin kis dar se Mohd. Afzal ko phaansi ki saza par mohar lagane se ghabra rahe hain. 

Mujhe bahut garv tha apne Rashtrapati ji par, parantu inhone ek hi jhatke may mera sara bhram door kar diya. Jai ho Rashtrapatiji....Jai Hind. 

AAKHIR CONGRESS KE BOSS NE APNI JAAT DIKHA HI DI. BADA AASCHARYA HUA ISHKA BADBOLAPAN SOONKAR. SAMAJH NAHIN AATA KI KAUN SE GANDHI KI BAAT KAR RAHA HAI RAHUL....SHAYAD MAHATMA GANDHI KI BAAT KAR RAHA HOGA. ARE PYARE MAHATMA GANDHI TUMHARI FAMILY KA NAHIN THA, YEH TO GUJRAT KA SAPOOT THA, AUR YEH BHI BHARAT KA BAAP BAN BAITHA, BINA KUCH KIYE DHARE.

Sahid Bhagat singh, Subhash chandra bose, Lokmanya Tilak, Lala Lajpatrai, Sardar Patel, Sukhdev, Chandrasekhar Azad, Rajguru, aur kai asankhya Bharat Mata ke sapooto ne apne prano ko nyochavar kar ke desh ko azad karvya tha. Agar yeh Jawaharlal Nehru ki baat kar raha hai to, Nehru to Lord Mountbaitan ki biwi ke saath rang raliya manata rehta tha. Jail main bhi Angrejon ki mili bhagat se dikhave ke liye gaya tha...taaki aaram se apni kitab likh sake. Khoob bevkuf banaya ish Nehru aur Gandhi ne.

To pyare, tujhe apni maa se poochna chaiye ke woh kaun sa gandhi tha, jish ne desh ko aazadi dilaai, maine to kafi sir fod liye, kai itihas ki kitabain palat ke dekh li, par kahin GANDHI PARIVAR KA ULLEKH NAHIN HAI, DESH KO AZAD KARANE MAY.

To bhaiye, phir se tum school may dakhila lo, aur phir itihaas aur bhugol padho, tab bakwas karna...tab tak mooh pe tala lagaye rakho, kyonki kuch din aur hain tumhari party ke DELHI KE TAKTH par,,,phir to aage Bhagwan hi maalik hai tumlogon ka. Namuna to dekh liya hoga, Punjab, Utrakhand, Delhi aur Bambai ki Mahanagarpalikaon ke chunav main.

Jyada kudega to kamar ke neeche ki hadiyan chatak jayengi...Hoshiyar

Jai Hind.

Meri Team India Mahaan,
Haar gaye kaagzi sher,
Dekho inki shaan,
Meri Team India Mahaan.

Paisa chaiye inko,
din ho subho shaam,
Besharm yeh nakaam,
Meri Team India Mahaan.

Namashkaar Mitron,  

Shayaad aap sabhi ne padha hoga ya suna hoga, ki Bambai aab kuch hi dinon ki mehmaan hai....chokiye nahin janaab, Bambai aab Sanghaai bane ja raha hai. Maharashtra ki lokpriya congress sarkar ne yeh sabz baug dikhane suru kiye hain. Meri samajh main naihin aa raha ki na inke paas dhang ki chodi sadkain hain, na Bijlee hai, aur jansankhya itni ki peene ka paani bhi poori tareh se uplabdh nahin hai. Toh phir yeh Sanghaai banane ki suruaat kahaan se karenge.

Uoopnagaron main Mulund...its call Queen of Suburbs, Bhandup, Kanjurmarg, Vikhroli main toh aalam yeh hai ki roz 3.5 ghante bijlee gool rehti hai. Service industries ki haalat ish Bijlee katauti ki vajeh se bahaut patli ho gai hai. Aur in ilakon main vishwa ki maani hui industriyaan thi, jinmain se kai companiyon ne to apni factory, daftar, office, zameen sab Bhavan Nirmataon ko bech baach kar anya Rajyon ya kahin aur chale gaye hain. In sabke bavjood abhi bhi kaafi udyogik sansthan bache hue hain Ceat Tyres, Asian Paints, Johnson n Johnson, Godrej, Vitrum Glass, Ethnor Ltd., Richardson & Crudas Ltd. Schrader Duncan, Advani Oerlikon, JBA Printing Inks aur Gabriel...yeh bhi shayad band ho chuki hain. Inke alava chote aur madhuam kisam ki kai choti choti facotoryaan bachi hain, jo bade Audyogik sansthanon ki vajeh se tiki hui hain.

Prashn yeh uthta hai ki jaba aapke paas paani , bijlee, aur sadke bhi sankri hain, jahaan Subeh - Shaam traffic jam rehta hai, to phir kis bina par yeh kehte hain ki yeh Bamabi ko Sanghaai bana denge !

Main bhi murakh hoon, khwamkha main apna khoon jala raha hoon, Bhool gaya tha ki yeh Neta hain, aur inka kaam hai Sapne Becho, Paisa Kamao aur Apna Ghar Bharo.

Rehne Ko Ghar Nahin....Saara Jahaan Hamara.
Bijlee Bina  hai Roshan....Bambai sahar Hamara....maaf keejiyega Sanghaai Hamara.
 

 Namashkar Mitron,
Aaj kal Bambai main mahanagarpalika ke chunav chal rahe hain, aur har taraf ummed-war-on ( ummedwaron )ne Banner lehra rakhe hain, aur maje ki baat hai ki takreeban takreeban sabhi ne apne naam ke pehle SHRI likhvaya hua hai. Jaante hain kyon,,,nahin,,, to suniye Janab, yeh shale neta, inko pata hai ki inko to koi Shri se  sambodhit karega nahin, so khud he chapvalo. 

Inka bhi kusoor nahin hai, yeh Janta pata nahin in mehnati netaon ko kyon bura bolti hai, jabki bechare Ghar-Bar chodkar din raat seva main lage rehte hain, phir bhi inke palle buraai hi aati hai. Kaam dhandha kuch nahin karte hain bechare janta ki seva karne ke liye. Bhagawan he janata hai ! ki inka ghar kaise chalta hai. 5 saal main bechare 5-10 crore kama lete hain to log suru ho jate hain ki Sahab yeh neta bhrast hain, yeh hai aur woh hai. Log yeh bhool jate hain ki chunav ka kharch kitna jyada ho gaya hai mahangaai ki vajeh se. Par log hain ki samajhte he hain baat ko, bas lagte hain Shri Netaji ko gaaliyon se upkrit karne. 

Bambai shayad desh ka pehla sahar hai, jahaan se netaon ne apne naam ke aage Shri likhvana suru kiya hai aur haan jab bhi koi teej-tyohar aata hai to apni jeb ke paise kharch kar ke Shubhkaamnaaon ke banner bhi gali,chorahe, mod par latakva dete hain. Yeh jante hain ki yeh agar Diwali, Nav varsh, 
Ganeshotsav ki shubhkaamna nahin denge to aur kaun dega, kaise bholi janta ko pata chalega ki Tyoharon ka Mausam aa gaya hai. 

Dhanya hain Yeh Shri Neta...

Saare milkar bolo - Jai Hind.   

Aaj kal akhbaron main, tv channels par ek he khabar chaai hui hai, aur woh hai Nithari kaand ke aaropiyon ka Narco Analysis Test. Kya aise test karne se sachchaai saamne aa jati hai, Kya woh vyakti jis par yeh aarop laga hai gunah main shamil hone ka, kya woh sach bolta hai test ke dauraan. Kya aise test visvasniya hote hain, agar haan to phir meri jigyasa aur badh gai hai.

Agar aapko yaad ho Telgi kaand, to phir Abdul Karim Telgi ka bhi Narco Test huaa tha, test main ushne Bharat ke ek Mahaan neta aur ushke pradesh ke kai chote mote mantriyon ke bhi naam bataye they.....nahin yaad aaya, are sahab apne Mahan Bahrat ke Purv Raksha Mantri...aaj ke Krishi Mantri Mahamaheem Shrimaan SHARADCHANDRA PAWARji maharaj, inke chele Shrimaan Chagan Bhujbal, Bhootpurva Oop Mukhyamantri aur aaj ke Cabinet Minister - Govt. of Maharashtra.

Yeh kaand 30,000 crore ruapyon se bhi jyada ka hai. Haaanji sir, to aisa hai ki Bhai Sharad Pawar ne ish test report ko sadharan tareeke se khariz kar keh diya, ki aise chote mote choron ki baaton ka main yakeen nahin karta, aur aam Janta ko bhi ish baat ko ek kaan se soonkar doosre kaan se nikal dena chiye.

Ish stamp paper ghotale ko na he TV Media ne aur na he Print Media ne tavajjo di. Lagta hai mantri shahb ka pressure kaam kar gaya. Na hi Supreme Court , na he  CBI  ne ish test ki visvasniyat ko gambhirta se liya.....natija,,,,,,dhaak ke teen paat.

Gunah gunah hota hai, chahe woh mantri ho ya aam aadmi,,,kanoon to sabhi ke liye saman hota hai na. Mera prashan  sirf itna hai ki ish report ki bina par Sharad Pawar aur ushki toli ke anya sadasyon ko geraftar kar ke unki remand li gai......kaash aisa hota to aam aadmi ka desh ke kanoon par phir se bharaosha badh jata, jo gat varshon main dharashai ho gaya hai.

Aisa lagta hai TV CHANEEL aur PRINT MEDIA sabhi ko maal pahoonch gaya tha mantri ke dwara, so kisi ko kya padi hai Bharat Desh ki....Sabka Malik Ek.......paisa boss paisa.

Jeevan ke har rang main jeena,
Badle mausam ki umang jeena,
Chinta chodo mere yaar,
Sundar sapnon ki bahi bayar,
Lagta Hai Basant aane ko hai.

Phir khili Koplain, Phir muskaye phool,
Lehlahane lage khet, naram naram dhoop,
Hawaon main ravanagi, badhti deewanagi,
Chakne lagi Koyal, Ithlane lagi Titliyaan,
Lagta hai Basant aane ko hai.